Rydym yn Hyrwyddo Cydraddoldeb Gender

Cydraddoldeb Gender

Yma ym Mangor rydym yn deall bod dynion a merched yn profi effeithiau steroteipio gender a rhagfarn ar sail rhyw.  Rydym yn hyrwyddo amgylchedd cydraddoldeb gender ac yn credu y dylai pob unigolyn gael eu trin yn deg, waeth beth yw eu gender.

Ein nod yw sicrhau y gall pob myfyriwr gymryd rhan lawn a mwynhau holl agweddau ar fywyd prifysgol mewn amgylchedd diogel a chyfeillgar.

Nid ydym yn dioddef rhagfarn ar sail rhyw na diwylliant y llanc ar y campws.

Mae’n hollbwysig bod pob myfyriwr ym Mangor yn teimlo'n gyfforddus, yn cael eu gwerthfawrogi a'u parchu.  Fel myfyriwr, ni ddylech orfod dioddef unrhyw herian rhywiaethol, ni ddylech deimlo bod rhaid i chi fod yn rhan o 'lad culture' yn cynnwys yfed yn drwm fel ffordd o gymdeithasu. Hefyd ni ddylech fyth orfod dioddef merched neu ddynion yn cael eu rhywioli a'u trin fel gwrthrychau.

Nid yw Prifysgol Bangor yn goddef unrhyw fath o aflonyddu, rhagfarn ar sail rhyw na diwylliant y llanc ar y campws, mewn darlithoedd neu unrhyw weithgareddau allgyrsiol.  Mae hyn wedi'i gynnwys yn ein Polisi Aflonyddu Myfyrwyr . Ewch i'n gwe-dudalenau ar aflonyddu am ragor o wybodaeth.

Hyrwyddo Cydraddoldeb Gender - Gwobr Athena Swan

Mae Prifysgol Bangor wedi ymrwymo i sicrhau bod pob gender yn cael ei gynrychioli'n gyfartal, a bod cyfleoedd cyfartal ar gael.

Mae Prifysgol Bangor yn aelod o siarter cenedlaethol cydraddoldeb gender Athena SWAN. Mae'r siarter yn ymdrin ag amrywiaeth eang o faterion yn ymwneud â chydraddoldeb gender:

• Rhoi sylw i gynrychiolaeth anghyfartal rhwng y rhywiau mewn disgyblaethau academaidd
• Yr ymrwymiad i roi sylw i'r bwlch cyflog rhwng y rhywiau
• Cefnogi staff a myfyrwyr trawsryweddol

Mae Advance HE yn cefnogi sefydliadau addysg uwch ledled y DU i hyrwyddo cydraddoldeb ac amrywiaeth i'r holl staff trwy gefnogi newid strategol a gwelliant parhaus trwy ddatblygu unigolion a sefydliadau addysg uwch. Mae siarter Athena SWAN yn cydnabod ymrwymiad i ymdrin ag anghydraddoldeb rhywiol mewn addysg uwch yn benodol.  Mae'r siarter yn seiliedig ar ddeg egwyddor allweddol.  Sefydliadau sy'n ymrwymo i fabwysiadu'r egwyddorion hyn yn eu polisïau, dulliau gweithredu, cynlluniau gweithredu a diwylliant.

Mae’r brifysgol wedi ennill Gwobr Efydd Athena SWAN sy'n nodi ein hymrwymiad i gydraddoldeb gender ac amrywiaeth Mae'r wobr hon yn cydnabod bod gan y brifysgol sylfeini cadarn i ddileu tuedd o ran gender a datblygu diwylliant cynhwysol sy'n gwerthfawrogi pawb.

Ceir rhagor o wybodaeth am Athena SWAN ym Mhrifysgol Bangor yma.

Os oes gennych unrhyw gwestiwn neu os hoffech ragor o wybodaeth, anfonwch e-bost i athenaswan@bangor.ac.uk

Sut gall myfyrwyr helpu i hyrwyddo cydraddoldeb gender

Mae cydraddoldeb gender yn rhywbeth y gallwn i gyd weithio tuag ato. Disgwylir i bob myfyriwr ddangos parch at ei gyd-fyfyrwyr, yn ogystal ag at aelodau staff, waeth beth eu gender.

Ni ddylid gwneud i unrhyw fyfyriwr deimlo'n anghyfforddus neu dan fygythiad am unrhyw reswm, gan gynnwys ei gender. Ni chaiff tynnu coes gwahaniaethol ei oddef ar gampws na thir y brifysgol. Mae'r ymddygiad hwn hefyd yn annerbyniol ar y cyfryngau cymdeithasol, gan gynnwys mewn sgyrsiau grŵp.

Cyngor Undeb Bangor - Cynghorwr Myfyrwyr Benywaidd

Cyngor Undeb Bangor yw'r corff o fewn Undeb y Myfyrwyr sy'n bodoli i drafod syniadau'n ymwneud â'i bolisiau, ymgyrchoedd a gweithgaredd gwleidyddol, syniadau'n ymwneud â'i gyfleoedd neu i ddatblygu profiad myfyrwyr ym Mangor.  Mae'n fforwm hefyd lle gall myfyrwyr Bangor ddal eu swyddogion undeb etholedig a'u cynghorwyr i gyfrif. 

Mae'r Cyngor yn cynnwys aelodau o blith y myfyrwyr sy'n cyflawni nifer o swyddogaethau arbenigol, yn cynnwys Cynghorwr Undeb Bangor i Fyfyrwyr Benywaidd.  Os oes gennych ddiddordeb dod yn Gynghorwr yn Undeb Bangor, yna mae rhagor o wybodaeth ar wefan Undeb.

Adnoddau Allanol

Mae tudalen Ymgyrch Merched UCM yn cynnwys gwybodaeth a newyddion am eu hymgyrchoedd presennol a hanesyddol.

Mae'r Uned Herio Cydraddoldeb yn darparu rhagor o wybodaeth am Athena SWAN. 

Mae WISE yn ymgyrch sy'n hyrwyddo merched ym meysydd gwyddoniaeth, technoleg a pheirianneg.

Mae'r Everyday Sexism Project yn catalogio enghreifftiau o ragfarn ar sail rhyw a brofir gan ferched o ddydd