Gallwch ymgeisio ar-lein eich hun gyda chymorth y Nodiadau Arweiniad yma ar wneud cais ar-lein. Ar ôl i chi ddarllen y Nodiadau Arweiniad dylech wneud cais gan ddefnyddio ein system Ceisiadau Ar-lein.
Ar ôl i chi lenwi'r ffurflen ar-lein bydd angen i chi uwchlwytho copïau o nifer o ddogfennau (wedi eu hardystio os na ellwch ddarparu'r rhai gwreiddiol), megis trawsgrifiadau academaidd, tystysgrifau gradd, cadarnhad o gefnogaeth ariannol a chanlyniadau prawf iaith Saesneg.
Ychydig eithriadau i'r system ceisiadau ar-lein
- Ymgeiswyr Israddedig o'r DU/UE: Os ydych yn ymgeisydd o'r DU/UE sy'n gwneud cais am gwrs Israddedig, dylech ymgeisio trwy UCAS. Gall myfyrwyr nad ydynt o'r Undeb Ewropeaidd wneud cais yn uniongyrchol i'r brifysgol gan ddefnyddio ein system Ar-lein neu wneud cais drwy UCAS.
- Ychydig o Gyrsiau Eithriadol: Os ydych yn ymgeisio am gwrs Tystysgrif Addysg i Raddedigion (TAR) neu gwrs MBA Banciwr Siartredig (CBMBA) yna cyfeiriwch at y dudalen berthnasol i'r cwrs am fwy o wybodaeth ynglŷn â sut i wneud cais am y cyrsiau hyn.