Croeso gan y Brifysgol
Yn rhan o'ch croesawu i Brifysgol Bangor, cewch eich gwahodd i Groeso Ffurfiol ar ddydd Llun Medi 18.
Croeso gan Undeb Bangor
Undeb Bangor yw enw undeb y myfyrwyr - enw uniaith Gymraeg gan ein bod yn falch iawn o'n gwreiddiau Cymreig.
Y pwyslais ar gyfer yr Wythnos Groeso yw eich helpu i gael eich traed danoch: gan roi digon o gyfle i chi gwrdd â phobl a chymryd rhan gydag Undeb Bangor.
Eich Amserlen ar gyfer yr Wythnos Groeso
Yma cewch wybodaeth am eich Ysgol Academaidd a'ch amserlen o ddigwyddiadau ar gyfer yr Wythnos Groeso.
Cofrestru a Dewis eich Modiwlau
Rhaid i chi gofrestru gyda'r Brifysgol ar-lein cyn i chi gyrraedd, a chael eich manylion wedi eu gwirio pan fyddwch yn cyrraedd.
Yma fe welwch yr wybodaeth sydd ei hangen arnoch am gofrestru a hefyd am ddewis eich modiwlau.
Ffioedd a Chyllid
Gwnewch yn siŵr eich bod wedi gwneud yr holl drefniadau ariannol angenrheidiol ar gyfer ffioedd dysgu a’r holl gostau byw, gan gynnwys eich rhent.
Neuaddau Preswyl
Aros yn Neuaddau'r Brifysgol? Mae'r dudalen hon yn ateb eich holl gwestiynau, gan gynnwys gwybodaeth am fywyd y campws a chael trwydded parcio i fyfyrwyr.
Llety Preifat a Byw yn Lleol
Yn byw mewn llety preifat neu'n byw'n lleol ac yn teithio i'r Brifysgol ar gyfer eich astudiaethau?
Ar y dudalen hon fe welwch wybodaeth am geisio a chael cymorth sy'n ymwneud â llety preifat a sut i gael trwydded parcio i fyfyrwyr.
Arweinwyr Cyfoed
Myfyrwyr sydd wedi gwirfoddoli ac sydd wedi cael eu hyfforddi i helpu myfyrwyr newydd i ymgynefino â bywyd prifysgol yw Arweinwyr Cyfoed. Byddant yn eich helpu i wneud ffrindiau drwy amrywiaeth o ddigwyddiadau cymdeithasol, dangos y dref a'r brifysgol i chi, a rhoi gwybodaeth a chyngor i chi am fywyd fel myfyriwr.
Sut rydym yn Cyfathrebu â chi
Ym Mangor mae gennym wefan fewnrwyd, FyMangor, a hefyd cylchlythyr wythnosol, y Bwletin Myfyrwyr, a ddefnyddiwn i rannu gwybodaeth a chyfleoedd pwysig gyda chi.
Cyfleusterau Campws
Dysgwch fwy am ble i fwyta ac yfed ar y campws a chyfleusterau adloniant a chwaraeon.
Cymorth, Lles ac Iechyd
Mae gan Fangor ystod eang o gefnogaeth ar gael pe bai angen ychydig o help neu gyngor arnoch chi - naill ai'n academaidd neu'n ymwneud â'ch lles.
Cymuned Ddwyieithog ym Mangor
Mae dwyieithrwydd yn rhan naturiol o fywyd ym Mhrifysgol Bangor. Mae gan tua 70% o’n staff sgiliau yn y Gymraeg felly mae modd i chi dderbyn cefnogaeth drwy gyfrwng y Gymraeg ym mhob agwedd o’ch bywyd fel myfyriwr yma, gan gynnwys adran Gwasanaethau Myfyrwyr.
Cymuned Gynhwysol Bangor
Gyda myfyrwyr yn dod o bob rhan o'r byd ac o gefndiroedd gwahanol iawn, bwriad Prifysgol Bangor yw creu amgylchedd i chi fyw ac astudio ynddo sy'n sicrhau y gellwch fod yn chi eich hun, cymryd mantais o bob cyfle a chyrraedd eich llawn botensial.
Cynaliadwyedd ym Mangor
Ym Mhrifysgol Bangor rydym yn bwriadu gwneud ein Prifysgol yn gyfystyr â chynaliadwyedd.
Siarter Myfyrwyr
Ym Mhrifysgol Bangor rydym yn falch o’r bartneriaeth agos sydd gennym gyda’r myfyrwyr a’r ffordd yr ydym yn gweithio gyda’n gilydd i ddatblygu profiad unigryw myfyrwyr Bangor. Gallwch ddarllen mwy am hyn yn ein Siarter Myfyrwyr.
Awgrymiadau am yr Wythnos Groeso gan Raddedigion Bangor
Er mwyn eich sbarduno ar eich antur newydd yn y brifysgol, rydym wedi gofyn i'n cyn-fyfyrwyr pa gyngor y byddent yn ei roi i fyfyrwyr newydd sy'n dechrau ar eu cyfnod ym Mangor.