THEMÂU YMCHWIL: CELFYDDYDAU, DYNIAETHAU A GWYDDORAU CYMDEITHAS

Mae ymchwilwyr Coleg y Celfyddydau, Dyniaethau a Gwyddorau Cymdeithas yn gwneud ymchwil sy'n ennill gwobrau, yn rhagorol yn rhyngwladol ac sy'n cael effaith. Mae ein hymchwil yn cynnwys iaith a llenyddiaeth, cerddoriaeth a'r cyfryngau, astudiaethau ariannol, cyfathrebu, astudiaethau technoleg, rheoleiddio, cyfiawnder, hunaniaethau ac astudiaethau cymunedol. Mewn amrywiol ddisgyblaethau, rydym yn cyfuno rhagoriaeth academaidd gydag ymgysylltiad â'r gymuned, effaith ar bolisi, a chyfraniadau creadigol a diwylliannol. Mae ymchwil y Coleg wedi'i threfnu o amgylch tair ysgol:

Mae sail gadarn i'n hymchwil ar ymdeimlad o le trwy ddiwylliant, perthnasedd cymharol, moddolrwydd, llenyddiaeth, iaith, cerddoriaeth, hanes, technoleg a sefydliadau, ynghyd â diddordeb yn natur newidiol cymunedau, cenhedloedd, strwythurau llywodraethu a chyfiawnder. Adlewyrchir hyn yn ein themâu ymchwil a nodir isod, sy'n caniatáu i ymchwilwyr o bob rhan o'r Coleg a'r Brifysgol ehangach gydweithredu a chynhyrchu ymchwil arloesol, rhyngddisgyblaethol sydd gyda'r orau yn y byd. Nid oes bwriad yn y dull hwnnw i hepgor nac anwybyddu meysydd rhagoriaeth ymchwil penodol y tu hwnt i'r themâu hynny, ond mae'n cynnig set eang o faterion thematig y gall llawer o'n hymchwil ymffurfio o'u cwmpas.

Fframwaith Rhagoriaeth Ymchwil 2021

O fewn thema y Celfyddydau, Dyniaethau a Gwyddorau Cymdeithas rydym yn cyflwyno i'r Unedau Asesu canlynol:

UoA 17 - Business and Management Studies (gan gynnwys cyfraniadau perthnasol gan Astudiaethau Busnes a Rheolaeth)
UoA 21 - Sociology (gan gynnwys cyfraniadau perthnasol gan Gymdeithaseg, Gwyddorau Cymdeithas, y Cyfryngau, y Gyfraith, Hanes a Gwyddorau Naturiol)
UoA 26 - Modern Languages and Linguistics (gan gynnwys cyfraniadau perthnasol gan Ieithoedd Modern, Ieithyddiaeth, Celfyddydau Creadigol, Astudiaethau Celtaidd, Cerddoriaeth a’r Gyfraith)
UoA 27 - English Language and Literature (gan gynnwys cyfraniadau perthnasol gan Iaith Saesneg, Llenyddiaeth, Hanes, Cerddoriaeth ac Ysgrifennu Creadigol)

Gellir gweld Astudiaethau Achos ar effaith ein hymchwil isod.

Astudiaethau Achos

Yn arddangos yr ystod o astudiaethau achos effaith a gyflwynwyd gan Coleg y Celfyddydau, Dyniaethau a Gwyddorau Cymdeithas ym Mhrifysgol Bangor.

European Travellers to Wales: 1750-2010 Case Study

ASTUDIAETH ACHOS REF 2021 Teithwyr Ewropeaidd i Gymru 1750 - 2010

Mae ymchwil a wnaed mewn dau broject a ariannwyd gan yr AHRC ar 'Deithwyr Ewropeaidd i Gymru: 1750-2010' yn cynnwys darganfod, astudio a dehongli bron i 500 o hanesion gan deithwyr o bob rhan o Ewrop.

Darllen mwy

ASTUDIAETH ACHOS REF 2021 Cyfyngu ar y gosb am deyrngarwch a chostau cymhlethdod

Darparodd yr Athro Ashton yr asesiad cyntaf o'r gosb am deyrngarwch, sef sut mae cwsmeriaid ffyddlon yn talu mwy na chwsmeriaid newydd; a chostau cymhlethdod, sef sut mae darparwyr yn codi prisiau cynhyrchion cymhleth, ym marchnadoedd gwasanaethau ariannol manwerthu'r Deyrnas Unedig.

Darllen mwy

ASTUDIAETH ACHOS REF 2021 Iaith Byw: Meithrin Defnydd o’r Gymraeg mewn Bywyd pob Dydd

Mae ein hymchwil wedi datblygu ein dealltwriaeth o ddefnydd iaith a throsglwyddo iaith mewn perthynas â'r Gymraeg yn sylweddol, gan ddylanwadu ar bolisi ac ymarfer mewn amrywiaeth o sectorau gan gynnwys Llywodraeth Cymru, addysg, y trydydd sector, gofal iechyd a chymdeithas sifil.

Darllen mwy

Ein Holl Astudiaethau Achos

Cyfyngu ar y gosb am deyrngarwch a chostau cymhlethdod mewn marchnadoedd gwasanaeth ariannol manwerthu

REF 2021 Case Study - Interchange payment card fees and two-sided markets

Ffioedd cyfnewid a marchnadoedd dwy-ochr: dylanwadu ar reoliad yr Undeb Ewropeaidd ar ffioedd cardiau talu

REF 2021 Case Study - Enabling effective and fast decision-making in organisations: forecasting with the Theta Method

Galluogi gwneud penderfyniadau effeithiol a chyflym mewn sefydliadau: rhagfynegi gyda'r Dull Theta

REF 2021 - Deallusrwydd Artiffisial Emosiynol

Deallusrwydd Artiffisial Emosiynol: Llywodraethu, Moeseg a Chymdeithas

REF 2021 - ‘Veillance’: Digital Power & Accountability in an Era of Mutual Watching

Gwyliadwriaeth: Grym Digidol ac Atebolrwydd mewn Cyfnod o Gyd Wylio

Technoleg iaith i’r Gymraeg fel iaith â llai o adnoddau

Teithwyr Ewropeaidd i Gymru: Gwella Treftadaeth; Ysbrydoli Twristiaeth; Galluogi Ymwneud

Iaith Byw: Meithrin Defnydd o’r Gymraeg mewn Bywyd pob Dydd

REF 2021 Case Study - Creative Writing, Translation and Cross-Cultural Understanding: Placing Wales in the World.

Ysgrifennu Creadigol, Cyfieithu a Dealltwriaeth Draws-ddiwylliannol: Gosod Cymru yn y Byd

Reframing Medieval Texts for Contemporary Audiences

Ail-ddiffinio Testunau Canol Oesol i Gynulleidfaoedd Cyfoes

Canolfannau Ymchwil

Mae grwpiau a chanolfannau ymchwil yn rhan ganolog o Goleg y Celfyddydau, Dyniaethau a Gwyddorau Cymdeithas, ac yn cynnig fframwaith i hyrwyddo a hwyluso ymchwil, cydweithio a chynlluniau addysgu ôl-radd.

Darganfod mwy

Themâu Ymchwil

Mae gan Fangor draddodiad balch o ymchwil i astudiaethau Celtaidd sydd gyda'r orau yn y byd, gyda ffocws penodol a chysylltiadau rhyngwladol ar hanes, diwylliant, llenyddiaeth, iaith a gwleidyddiaeth Cymru. Rydym yn gartref i rai o brif ganolfannau ymchwil Cymru, sy'n cael eu cyfarwyddo gan haneswyr blaenllaw o Gymru, arbenigwyr yng nghyfraith Cymru, diwylliant, cerddoriaeth, llenyddiaeth a barddoniaeth Cymraeg a Chymreig. Mae ein canolfannau ymchwil a'n grwpiau ymchwil yn cynnwys:

Canolfan Ymchwil Cymru
Canolfan R.S. Thomas
Sefydliad Ymchwil Ystadau Cymru.
Y Ganolfan Astudiaethau Arthuraidd

Mae ein hymchwilwyr yn archwilio ac yn ymarfer agweddau ar ddiwylliant a'r celfyddydau, ac yn casglu dealltwriaeth o elfennau o gymdeithas sifil sy'n cryfhau gwytnwch cymunedol i ymdopi â newidiadau a heriau cyfoes. Yn seiliedig ar adnoddau archifol a chyfoes sylweddol, ynghyd â gweithgaredd artistig, rydym yn cyfrannu'n weithredol at ddiwylliant cymunedol a'r celfyddydau i roi lle i astudio cymdeithas sifil ar waith. Ochr yn ochr â gweithgareddau helaeth ym meysydd ysgrifennu creadigol, cyfansoddi cerddorol a pherfformio, mae ein canolfannau ymchwil yn y maes hwn yn cynnwys:

Y Ganolfan dros Farddoniaeth Gyfoes
Canolfan Stephen Colclough ar Hanes a Diwylliant y Llyfr
Y Ganolfan Astudiaethau Ffilm, Teledu a Sgrin.

Mae cymunedau ledled y byd wedi'u cysylltu gan we gymhleth o lywodraethiant, cysylltiadau ariannol ac economaidd, ymfudo dynol, a chwestiynau ynghylch cwmpas a natur sefydliadau ac egwyddorion cyfiawnder. Mae diddordebau cystadleuol cymunedau lleol, cenedl-wladwriaethau, a systemau economaidd byd-eang a rhyngwladol yn gofyn am ymchwil ymatebol ar reoliadau a llywodraethu, sefydliadau ac astudiaethau cymunedol. Mae ein heconomegwyr, ein cyfreithwyr, ein gwyddonwyr cymdeithasol a'n haneswyr yn archwilio'r cysylltiadau cymhleth hynny a sut mae cwestiynau ynglŷn â phŵer, gwleidyddiaeth a heriau byd-eang yn effeithio arnynt. Mae sefydliadau ymchwil perthnasol yn cynnwys:

Canolfan Cynaliadwyedd
Sefydliad Cyllid Ewropeaidd
Sefydliad Ymchwil a Data Cymdeithasol ac Economaidd Cymru (WISERD)
Labordy Deallusrwydd Artiffisial Emosiynol

Saif Prifysgol Bangor mewn amgylchedd dwyieithog sy'n hwyluso'r cryfderau rhagorol sydd ganddi ym meysydd amlieithrwydd a dwyieithrwydd a defnydd iaith mewn amryw o gyd-destunau cyfathrebol, gan gwmpasu rhagoriaeth ymchwil mewn polisi a chynllunio iaith, caffael iaith gyntaf ac ail iaith, dadansoddi disgwrs ac astudiaethau corpws, defnydd cymunedau a chymdeithas sifil o iaith a'r goblygiadau i hunaniaeth, yn ogystal â rôl technoleg yn natblygiad iaith. Yn ogystal, mae ymchwil yn y thema hon yn codi cwestiynau ehangach am berthynas iaith a chyfathrebu fel math o bŵer, trwy gyfathrebu corfforaethol, moeseg, newyddiaduraeth, cyfathrebu perswadiol a'r cyfryngau. Yn y thema hon, rydym yn gweithio'n agos gyda chydweithwyr ar draws y Brifysgol ac yn benodol, cydweithwyr yng Nghanolfan Bedwyr a'r Uned Technoleg Iaith. Mae ein canolfannau ymchwil a'n rhwydweithiau'n cynnwys:

Canolfan Ymchwil i Ddwyieithrwydd
Y Ganolfan Astudiaethau Galisaidd yng Nghymru
Rhwydwaith Astudio'r Cyfryngau a Chyfathrebu Perswadiol
Rhwydwaith Ymchwil Technoleg ac Iaith

Arbenigwyr yn eu Maes

Trosi ein hymchwil ar y celfyddydau a diwylliant yn weithgareddau creadigol

Mae Bangor yn gartref i ganolfan Celfyddydau ac Arloesi Pontio sydd o'r radd flaenaf, ac yn helpu i drosi ein hymchwil i'r celfyddydau a diwylliant yn weithgareddau creadigol sydd wedyn yn cael ei ddwyn yn uniongyrchol i'n cymunedau lleol. Daw ein cyfraniadau creadigol o nifer o ysgolion yn y Coleg - Ysgol Cerddoriaeth a Pherfformio, Ysgol Ieithoedd, Llenyddiaethau, Ieithyddiaeth a'r Cyfryngau - gan gynnwys Cyfansoddi profiad dementia - cydweithrediad â chydweithwyr yn y Gwyddorau Iechyd; Perfformiadau Dawns Fertigol; barddoniaeth a nofelau arobryn; ffilmiau a digwyddiadau - er enghraifft, yr unig un o'i fath yn y Deyrnas Unedig i ddathlu hanner canmlwyddiant y ffilm ffuglen wyddonol arloesol, 2001: A Space Odyssey. Mae cydweithwyr wedi ennill llawer o anrhydeddau yn eu priod feysydd.

Arbenigedd sy'n cael ei gydnabod yn genedlaethol ac yn rhyngwladol

Mae ymchwilwyr yn Ysgol Busnes Bangor yn chwarae rhan weithredol wrth reoleiddio a llywodraethu sefydliadau ariannol ac economaidd yn genedlaethol ac yn rhyngwladol, gan ddarparu cipolwg ar themâu pwysig ac amserol trwy fodelu credyd ac ansicrwydd; a rheoleiddio ariannol, cystadleuaeth a llywodraethu corfforaethol mewn bancio. Mae Ysgol y Gyfraith Bangor yn gwneud cyfraniad sylweddol at ddatblygiad prosesau deddfwriaethol a pholisi Cymru a'i sefydliadau cyfiawnder sy'n datblygu trwy ymchwil ar gwestiynau sylfaenol cyfiawnder gweinyddol a pholisïau sydd ar waith i amddiffyn y bregus. Cydnabyddir arbenigedd Ysgol y Gyfraith mewn cwestiynau caffael yn genedlaethol ac yn rhyngwladol.

Awduron creadigol gorau Cymru

Mae gan yr Ysgol y Gymraeg ac Astudiaethau Celtaidd draddodiad rhagorol o fod yn gartref i rai o awduron creadigol gorau Cymru. Ymhlith yr aelodau staff presennol. Mae Davies ac Wiliams wedi ennill y Goron yn yr Eisteddfod Genedlaethol, ac mae Hunter a Price wedi ennill y Fedal Ryddiaith am nofelau diweddar. Mae Lynch, hefyd, yn fardd a beirniad o fri cenedlaethol, yn enwedig barddoniaeth yn y mesur caeth.

Datblygu adnodd newyddiadurol unigryw

Mae Ifan Morgan Jones, Ysgol Ieithoedd, Llenyddiaethau, Ieithyddiaeth a'r Cyfryngau, yn newyddiadurwr proffesiynol, ac wedi datblygu adnodd newyddiadurol unigryw i Gymru, nation.cymru, i helpu i lenwi'r bwlch democrataidd yng nghynnwys y cyfryngau yng Nghymru. Mae wedi dod yn adnodd poblogaidd ar gyfer gwleidyddiaeth Cymru, gyda chyfraniadau gan wleidyddion Cymru.

Projectau Ymchwil

Gwella systemau caffael cyhoeddus

Mae Dr Ama Eyo yn Ddarlithydd mewn Cyfraith Caffael Cyhoeddus y mae ei hymchwil yn canolbwyntio ar wella systemau caffael cyhoeddus gyda'r nod o leihau'r potensial am lygredd a chamddefnyddio arian cyhoeddus. Mae'n gweithio gyda thîm ehangach o gydweithwyr yn Ysgol y Gyfraith i edrych sut y gellir defnyddio caffael i oresgyn rhwystrau i gynaliadwyedd.

Cymdeithas Sifil WISERD II (2019-2024): Ffiniau, Terfynau ac Ymfudiadau

Archwilio ffactorau sy'n siapio ymgysylltiad cymdeithas sifil ag ymfudo a ffurfiau o ffiniau, ac archwilio sut mae dulliau gweithredu ffiniau cymdeithasol yn cael eu cyfleu gan grwpiau cymdeithas sifil.

Stanley Kubrick

Mae Dr Nathan Abrams, Athro mewn Ffilm, wedi bod yn ymchwilio i'r cyfarwyddwr chwedlonol Stanley Kubrick er 2012. Mae wedi trefnu a chymryd rhan mewn amryw o gyfarfyddiadau ysgolheigaidd a chyhoeddus, ac arweiniodd un ohonynt at ddarganfod y sgript ffilm Burning Secret 'coll' nad oedd unrhyw un wedi'i weld mewn dros 50 mlynedd.

Deallusrwydd Artiffisial Emosiynol mewn Dinasoedd

Mae'r project hon yn ceisio ateb sut y gall cymdeithasau'r DU a Japan fyw orau gyda thechnolegau sy'n synhwyro, proffilio, dysgu a rhyngweithio â theimladau, emosiynau a hwyliau pobl

Partneriaid Cysylltiedig o'r Diwydiant

Mae ymchwilwyr yn y Coleg yn gweithredu fel ymgynghorwyr, cynghorwyr, arbenigwyr, ac aelodau'r cyngor, ac yn gweithio gydag ystod o bartneriaid diwydiant, Llywodraeth a gwasanaeth cyhoeddus, yn ogystal â sefydliadau anllywodraethol ar draws ystod o brojectau ymchwil:

Llywodraeth Cymru
Cymdeithas y Gyfraith
Heddlu Gogledd Cymru
Busnesau bach a chanolig yng Ngogledd Cymru
Siemens
Banc Canolog Ewrop, Cronfa Ariannol Ryngwladol, Awdurdod Cyllid Cymru, Cymdeithas Cyfrifeg a Chyllid Prydain
Elusennau a mentrau cymdeithasol lleol (e.e. Menter Fachwen)
Sefydliadau diwylliannol: y BBC, S4C, International Feature Films, Gŵyl Ddogfennol Ryngwladol Cymru, Sheffield Documentary Festival, Gŵyl Ryngwladol Llangollen. BAFTA, BFI.

Ysgolheigion ar Ymweliad

Mae Coleg y Celfyddydau, Dyniaethau a Gwyddorau Cymdeithas yn croesawu ceisiadau gan ysgolheigion o bob rhan o’r byd i ymuno â'n cymuned academaidd. Mae ein staff yn enwog yn rhyngwladol yn eu meysydd arbenigedd a chyda blynyddoedd lawer o brofiad o oruchwylio ymchwil. Ein nod yw:

Rhoi cyfle i ysgolheigion academaidd wneud ymchwil gyda'r bwriad o gyhoeddi mewn cyfnodolyn academaidd sydd ag enw da yn rhyngwladol;
Gwella'r gymuned ymchwil yn y coleg trwy gyfranogiad gweithredol ysgolheigion ar ymweliad, trwy gyflwyno darlithoedd gwadd, cymryd rhan mewn cyfresi seminarau ymchwil, a rhyngweithio â staff ymchwil ac ôl-raddedigion y coleg;
Meithrin cysylltiadau academaidd â phrifysgolion a sefydliadau ymchwil eraill ledled y byd.

Os oes gennych ddiddordeb, cysylltwch ag aelod staff sydd mewn maes ymchwil tebyg i holi am y posibilrwydd o fod yn ysgolhaig ar ymweliad, neu cysylltwch a’r cyfeiriad e-bost i ymholiadau ysgolheigion ar ymweliad Coleg y Celfyddydau, Dyniaethau a Gwyddorau Cymdeithas. visitcahb@bangor.ac.uk am fanylion, telerau ac amodau, a chefnogaeth i nodi aelod staff i gysylltu ag ef.