Themâu Ymchwil: Gwyddorau'r Amgylchedd a Pheirianneg

Mae Prifysgol Bangor wedi cyfuno'r gwaith ymchwil hir-sefydledig sydd ganddi a hwnnw o'r radd flaenaf yn rhyngwladol yng ngwyddorau'r amgylchedd ac mewn peirianneg mewn Coleg newydd i hyrwyddo ymchwil amlddisgyblaethol arloesol i ateb yr heriau sy'n wynebu'r holl fyd o ran yr amgylchedd ac ynni. Mae'r Coleg yn cynnwys tair o ysgolion academaidd:

Un nodwedd o'n hymchwil yw'r dull rhyngddisgyblaethol o weithredu sy'n hollbwysig i fynd i'r afael â'r heriau cynyddol a chymhleth sy'n wynebu'r byd, gan gynnwys newid amgylcheddol byd-eang, colli bioamrywiaeth, dirywiad y pridd a defnydd anghynaliadwy ar adnoddau naturiol. Mae hynny wedi'i integreiddio â'n hymchwil i beirianneg systemau dynameg cymhleth, optoelectroneg a modelu i ddatblygu technolegau newydd i fynd i'r afael â'r rheiny, ac amrywiol anghenion cymdeithasol a diwydiannol eraill. Mae cysylltiadau rhyngddisgyblaethol cryf rhwng ein hymchwil cadwraeth a gwyddorau cymdeithas hefyd. Sail y gwaith hwnnw yw'r ymchwil sylfaenol ym maes gwyddorau biolegol, cemegol a ffisegol systemau naturiol.

Mae gennym hanes cadarn o gyfnewid gwybodaeth ymysg ymchwilwyr a rhanddeiliaid ym meysydd polisi ac ymarfer, ac mae hynny yn ei dro'n golygu bod effaith ein hymchwil yn uchel.

Fframwaith Rhagoriaeth Ymchwil 2021

Gosododd canlyniad REF 2021 Prifysgol Bangor yn y safle 1af am Effaith Ymchwil mewn Systemau Daear a Gwyddorau’r Amgylchedd (UoA7), ac yn 6ed am Bŵer Ymchwil. Cafodd wythdeg o'n cynnyrch ymchwil eu sgorio gyda'r gorau yn y byd. Cafodd 95% o'r holl ymchwil a gyflwynwyd eu sgorio gyda'r gorau yn y byd neu'n rhagorol yn rhyngwladol.
Mewn Peirianneg (UoA12), cafodd 80% o'r ymchwil a gyflwynwyd ei sgorio gyda'r gorau yn y byd neu'n rhagorol yn rhyngwladol, gyda'r sgôr Effaith Ymchwil yn ein gosod yn y traean uchaf o sefydliadau yn y DU.
Cyfrannodd y Coleg hefyd gyflwyniad llwyddiannus i Gymdeithaseg (UoA21).

Astudiaethau Achos REF 2021

Yn arddangos yr ystod o astudiaethau achos effaith a gyflwynwyd gan Goleg Gwyddorau Amgylcheddol a Pheirianneg Prifysgol Bangor

imagines COVID-19 virus — Llun dychmygol o'r firws COVID-19

Offer gwyliadwraeth amgylcheddol fiarol yn diogelu'r cyhoedd yn ystod pandemig Covid-19

Dros y degawd diwethaf, mae ymchwil ym Mangor wedi datblygu amrywiaeth o offer, technolegau a modelau dadansoddol i gadw golwg effeithiol ar firysau niweidiol yn yr amgylchedd ehangach, gan arwain at safonau diwydiant sy'n seiliedig ar risg.

Darllen mwy

Ymchwil yn cael ei gynnal ar y môr gyda chwch yn y cefndir

Mabwysiadu dull arloesol o asesu cynaliadwyedd gerau pysgota gwaelod symudol

Datblygu system wrth gefn i GPS

Ymchwil yn sbarduno datblygiad technoleg ynni'r llanw ail-genhedlaeth

Ymchwil Bangor yn flaenllaw yn y diwydiant Rhithwir

Ymchwil gydag World Agroforestry yn cynhyrchu newid paradeim mewn agronomeg

Lleihau costau cadwraeth mewn gwledydd incwm isel a chanolig

Gwella rhestr allyriadau nwyon tŷ gwydr amaethyddol y DU

Astudiaeth Achos Ymchwil Caeau Reis REF 2021

Mathau reis newydd yn gwella bywoliaethau miliynau

Themâu Ymchwil

Rydym wedi nodi pum thema ymchwil sy'n rhychwantu ehangder rhagoriaeth ymchwil ar draws Coleg Gwyddorau'r Amgylchedd a Pheirianneg, sydd â'r potensial i fanteisio ar arbenigedd ar draws y brifysgol.

Darganfod Mwy

Gwyddor Systemau Daear ac Ynni

Mae'r thema hon yn dod ag ymchwilwyr rhyngddisgyblaethol ynghyd i astudio'r rhyngweithio rhwng sfferau'r ddaear.

Coeden ar lan y môr gyda thonnau ar y tywod coch

Cadwraeth ac Adfer Ecosystemau Gadarn

Mae ymchwil yn y thema hon yn canolbwyntio ar fynd i'r afael â'r argyfyngau natur a hinsawdd.

Cynhyrchu Bwyd Mewn Modd Cynaliadwy

Mae ein hymchwil yn cynnwys cynhyrchu a chyflenwi, gyda'r nod o wella cynaliadwyedd cynhyrchu bwyd.

Iechyd Cyfunol

Mae'r thema ymchwil hon yn mynd i'r afael â heriau iechyd dynol, yr hinsawdd a bioamrywiaeth, sydd oll yn gysylltiedig â’i gilydd, trwy gydweithio rhyngddisgyblaethol.

llun llaw yn gafael mewn ffôn symudol gyda symbol ailgylchu arno, mae bag defnydd lliw hyfen yn y cefndir

Gweithgynhyrchu Cynaliadwy

Nod yr ymchwil hwn yw ceisio sicrhau bod twf economaidd yn cyd-fynd â stiwardiaeth amgylcheddol ar gyfer dyfodol diwydiannol cynaliadwy.

Gweithio gydag Eraill

Rydym yn aelodau craidd o Envision, Partneriaeth Hyfforddiant Doethurol NERC, sy'n ymroddedig i ddatblygu arweinwyr y genhedlaeth nesaf yng ngwyddor yr amgylchedd, ynghyd â Phrifysgolion Lancaster a Nottingham a thair canolfan ymchwil annibynnol.

Mae gennym bartneriaethau ymchwil strategol gyda'r canlynol:

Canolfan Ecoleg a Hydroleg y Deyrnas Unedig, y mae un o'i bhedair gorsaf ymchwil yn y Coleg ar gampws y Brifysgol yng Nghanolfan yr Amgylchedd Cymru, sy'n un o'r grwpiau mwyaf o ymchwilwyr yng ngwyddor yr amgylchedd yn y Deyrnas Unedig. Ar hyn o bryd rydym yn cydweithredu i gyflwyno tystiolaeth ymchwil allweddol i Lywodraeth Cymru i lywio datblygiad eu polisi amgylcheddol.
y Ganolfan Eigioneg Genedlaethol, yr ydym yn cynnal ymchwil ar y cyd â nhw ers tro byd ym maes eigioneg ffisegol.