Gwybodaeth i staff

Gweithio gydag Ysgolion Academaidd

Rydym yn gweithio gyda staff academaidd a staff cefnogi er mwyn sicrhau bod gweithgareddau addysgu a dysgu ar gael yn hwylus i fyfyrwyr anabl.  Mae hyn yn golygu galluogi myfyrwyr i fynd at gynnwys cwrs, cymryd rhan lawn mewn gweithgareddau dysgu a dangos eu gwybodaeth a'u cryfderau mewn asesiad.  Caiff Cynlluniau Cefnogi Dysgu Personol (CCDP) eu llunio ar gyfer myfyrwyr unigol ac mae Cynghorwyr yn trafod gyda Tiwtoriaid Anabledd Ysgolion a staff academaidd ynghylch addasiadau rhesymol i gael gwared ar rwystrau.

Rydym yn gweithio'n agos hefyd gyda Thiwtoriaid Derbyn a Thiwtoriaid Anabledd i sicrhau y gellir gwneud addasiadau rhesymol a bod cyrsiau'n hygyrch i fyfyrwyr unigol.

Polisi a Dulliau Gweithred

Mae Cod Ymarfer PB ar Ddarpariaeth ar gyfer Myfyrwyr Anabl yn cynnwys polisïau a dulliau gweithredu ar yr amgylchedd dysgu, asesu, derbyn myfyrwyr, cyfrinachedd.

Datblygu Staff

Rydym yn cynnig sesiynau datblygu pwrpasol ar gyfer holl staff y Brifysgol, gyda’r amcanion isod:

  • cynyddu ymwybyddiaeth o'r problemau a'r rhwystrau a wynebir gan fyfyrwyr anabl

  • ymchwilio i strategaethau ar gyfer darparu profiad dysgu cynhwysol

  • amlinellu cyfrifoldebau’r Brifysgol mewn perthynas â myfyrwyr anabl

  • cyfarwyddo staff ar bolisïau a dulliau gweithredu perthnasol y Brifysgol

Mae’r sesiynau datblygu sydd ar gael ar hyn o bryd ar gais yn cynnwys:

  • Hyfforddiant ymwybyddiaeth yn y meysydd canlynol:

    • Dyslecsia / Dyspracsia / Anawsterau Dal Sylw

    • Syndrom Asperger a chyflyrau cysylltiedig

    • Nam ar y golwg

    • Ymwybyddiaeth o Fyddardod

    • Anawsterau iechyd meddwl

  • Deddfwriaeth yng nghyswllt myfyrwyr anabl

  • Systemau cefnogi Bangor i fyfyrwyr anabl

Rydym hefyd yn sylweddol y gall agwedd flaengar tuag at gynhwysiant olygu bod staff academaidd yn treulio llai o amser yn gweithio ar sail un-i-un gyda myfyrwyr sy'n wynebu rhwystrau i ddysgu. O'r herwydd, rydym yn cydweithio'n agos gyda’r Canolfan Gwella Addysgu a Dysgu (CELT) i ddatblygu a chyflwyno gweithdai ar ddysgu cynhwysol. 

Os hoffech sicrhau bod eich dysgu'n hygyrch i fyfyriwr unigol neu os ydych eisiau gwybod mwy am ddulliau o sicrhau bod eich dysgu'n gynhwysol yna cysylltwch â ni.

Gwasanaethau Anabledd Adnoddau i Staff

Pwy all weld y CCDP?

  • Tiwtoriaid Anabledd - Gall pob Tiwtor Anabledd mewn Ysgolion weld adroddiad ar yr holl fyfyrwyr yn eu Hysgol sydd â CCDP yn yr app CCDP yn https://apps.bangor.ac.uk/plsp/report/disability/tutor/.

  • Tiwtoriaid Personol a Uwch Diwtoriaid - Bydd tiwtoriaid yn gallu gweld y data CCDP perthnasol sy'n ymwneud â'u myfyrwyr. Mae'r system i diwtoriaid yn integreiddio gwybodaeth o CCDP myfyrwyr unwaith y cafwyd eu caniatâd. Unwaith y bydd Tiwtor Personol yn clicio ar enw myfyriwr, dylai gwybodaeth amdanynt ymddangos ar y sgrin, dan y tab CCDP yn https://apps.bangor.ac.uk/tutor/. Gall Uwch Diwtoriaid fynediad at holl CCDP o fyfyrwyr sydd wedi'u cofrestru ar gyrsiau yn eu hysgolion.

  • Trefnwyr Modiwlau - Er mwyn sicrhau y rhoddir sylw i holl anghenion dysgu eu myfyrwyr, mae Trefnwyr Modiwlau'n medru mynd at dab rhestr dosbarth lle gallant weld yr addasiadau addysgu a dysgu y mae gan fyfyrwyr unigol yr hawl i'w cael. Gellir gweld hyn yn y system i fodiwlau ac asesiadau, dan y tab CCDP yn https://apps.bangor.ac.uk/modules/assessments/. Gall pob staff addysgu a neilltuwyd i fodiwl weld rhestr o addasiadau rhesymol ond oni bai mai nhw yw tiwtor personol y myfyriwr, ni fyddant yn gallu gweld y CCDP cyfan.

  • Gall arweinwyr rhaglenni weld tab sy'n rhestru aelodau'r dosbarth sy'n dangos gofynion addysgu a dysgu unigol myfyrwyr.
  • Swyddogion Arholiadau / Gweinyddwyr - Gall gweinyddwyr ysgolion a swyddogion arholiadau weld adroddiad o'r holl fyfyrwyr sydd angen addasu arholiadau, a gallant weld CCDP unigolion yn https://apps.bangor.ac.uk/plsp/report/exams/.

Gwefannau Defnyddiol

Rhaglenni Astudiaeth Cynhwysol

SCIPS (Strategies for the Creation of Inclusive Programmes of Study)
Mae'r adnodd hwn wedi ei anelu at staff academaidd ac eraill ac mae'n cynnig strategaethau i hyrwyddo addysgu, dysgu ac asesu cynhwysol o fewn rhaglenni astudio Addysg Uwch. Mae'n nodi sialensiau posibl y gall myfyrwyr anabl eu hwynebu wrth gyflawni ac/neu arddangos sgiliau a nodweddion fel y cânt eu diffinio o fewn Datganiadau Meincnod Pwnc. Mae hefyd yn awgrymu strategaethau ac addasiadau i arferion y gall staff academaidd eu hystyried i gynorthwyo myfyrwyr i oresgyn y sialensiau hyn.

Myfyrwyr Ôl-radd

Mae’r casgliad hwn o adnoddau yn cartref i amrywiaeth o ddefnyddiau i staff a myfyrwyr yng nghyswllt ymwybyddiaeth a datblygiad ar gyfer staff a myfyrwyr, yn cynnwys arolygwyr ymchwil, rheolwyr a myfyrwyr ôl-raddedig. Bydd angen ichi gofrestru ac yna chwilio yn ôl 'anabledd'.

Deddfwriaeth

Cyhoeddiad a ddatblygwyd gan yr Uned Her Cydraddoldeb i helpu sefydliadau i fabwysiadu dull mwy strategol o ymwneud â'r cylch cynllunio cyffredinol, fydd yn arwain at ddiwylliant mwy cynhwysol ac arbedion cost ac effeithlonrwydd yn y tymor hir.

  • Deddfwriaeth ar Anabledd: Cyfarwyddyd Ymarferol ar gyfer Academyddion
    www.ecu.ac.uk

Llyfr a luniwyd gan yr Uned Her Cydraddoldeb a’r Academi Addysg Uwch i helpu staff academaidd i gymhwyso’r Ddeddf Gwahaniaethu ar sail Anabledd Rhan 4 at addysgu a dysgu.  Tra bod y ddogfen yn cyfeirio at y DGSA, sydd bellach wedi ei disodli gan y Ddeddf Cydraddoldeb, mae llawer o'r wybodaeth mewn perthynas â dysgu ac addysgu yn parhau i fod yn berthnasol.

Cydraddoldeb ac amrywiaeth i academyddion

Cyfres o daflenni gwybodaeth wedi eu cynhyrchu gan Unedau Herio Cydraddoldeb a’u hanelu at staff academaidd yng Nghymru a Lloegr.

Asesiadau Cynhwysol

Mae’r adnodd hwn yn deillio o Broject 3 blynedd dan nawdd HEFCE i ddatblygu a hyrwyddo ffurfiau amgen ar asesu er hwyluso dull mwy cynhwysol o asesu. 

 

Brig y dudalen

 

Wedi'i ddiweddaru 11.08.2022